Ein Stori

Cafodd y grŵp ei sefydlu gan rieni i blant a anwyd â Syndrom Down yn ystod 2011/2012. Fe wnaethon ni i gyd gwrdd yn y Ganolfan Gweithredu dros Blant yng Nghila, Abertawe a dod yn ffrindiau da yn fuan. Gan nad oedd grŵp ar gyfer plant â Syndrom Down yn ardal Bae Abertawe, fe wnaethom benderfynu y byddem yn sefydlu grŵp ein hunain fel y gallem fod yno ar gyfer teuluoedd y dyfodol gan roi cefnogaeth a sicrhau bod ein plant yn cael mynediad at y gwasanaethau sydd eu hangen arnynt, felly ganwyd Hands Up For Down's. Ers hynny rydym wedi tyfu i gefnogi dros hanner cant o deuluoedd ac rydym wrth ein bodd yn croesawu aelodau newydd i'n teulu.

​Mae gwylio ein plant yn tyfu ac yn ffynnu gyda'i gilydd yn hollol wych a gobeithiwn y gall eraill gael eu hysbrydoli a theimlo’n gadarnhaol wrth weld pa mor anhygoel yw ein plant.

Ein Nodau

Nod Hands Up For Down yw hyrwyddo cynhwysiant cymdeithasol i'n plant a'u teuluoedd trwy godi ymwybyddiaeth a newid canfyddiadau. Ein nod yw herio'r canfyddiadau hen ffasiwn o Syndrom Down trwy hysbysu ac addysgu.

Rydym yn cynorthwyo gyda gofal a datblygiad ein plant trwy ddarparu cefnogaeth, cyngor a hyfforddiant am Syndrom Down i arbenigwyr iechyd ac addysgiadol er mwyn sicrhau eu datblygiad parhaus.

​Rydym am i'n plant gael mynediad at y gwasanaethau y maent eu hangen ac yn eu haeddu, i gael mynediad at addysg brif ffrwd os dymunant a symud i gyflogaeth, i fyw bywydau llawn, i fod yn annibynnol a datblygu cyfeillgarwch a pherthynas parhaol. Rydyn ni am iddyn nhw ddod yn aelodau gwerthfawr o'n cymuned a'n cymdeithas ehangach.